«Я – ўваскрасенне i жыццё» (Ян 11,25)
Шаноўныя чытачы! Наблiжаецца час святкавання Пасхальнай Таямнiцы. Крыж Езуса – гэта найвышэйшая праява Божай любовi да чалавека. Уваскрасенне Хрыста – гэта асноватворчая падзея ў гiсторыi чалавецтва. Яна адкрыла людзям магчымасць жыцця ў Божай ласцы. Езус праз служэнне Касцёла прыходзiць да нас i сiлаю любовi i ласкi яднае нашае жыццё са сваiм i нас памiж сабою. Праўда ўваскрасення Хрыста адна для ўсiх хрысцiянаў!
Ад усяго сэрца вiншую вас з наблiжэннем гэтага свята жыцця i надзеi, а таксама з радаснымi спатканнямi пры пасхальным стале. Няхай Уваскрослы Хрыстус адорыць ycix вас здароўем i шчасцем на кожны дзень. А перад ўсiм няхай удзелiць вам сапраўднага супакою i захавае яго ў вас i вакол вас!
3 вiншаваннем i малiтвай за вас, Юры БЫКАЎ, пробашч парафii Беззаганнага Зачацця Найсвяцейшай Панны Марыi ў Бабруйску, ксёндз-магiстр
Расклад святочных набажэнстваў у касцёле:
Пасхальны Трыдыум
Вялiкi чацвер, 21 красавiка
Iмша Вячэры Езуса Хрыста – 18.00
Вялiкая пятнiца, 22 красавiка
Крыжовы шлях (пастаноўка моладзi парафii) – 18.00.
Лiтургiя Мукi Хрыста – 19.00
Вялiкая субота, 23 красавiка:
Пасхальная Вiгiлiя – 22.00
Вялiкодная нядзеля, 24 красавiка, Урачыстасць Змёртвыхпаўстання Хрыста
Рэзурэкцыйная працэсiя i святая Iмша – 7.00.
Панядзелак у актаве Вялiкадня, 25 красавiка
Святая Iмша – 18.00
Пасвячэнне страваў на вялiкодны стол адбудзецца ў суботу а 12, 13, 14 i а 15 гадзiнах, пасля Пасхальнай Вiгiлii i пасля нядзельнай св. Iмшы).