Аляксандр Вiктаравiч Сапега, 34 гады, беспрацоўны, беспартыйны. Кандыдат у дэпутаты Бабруйскага гарсавета па Камбінацкай выбарчай акрузе №38.

— Паважаныя выбаршчыкi! Я жыву тут больш за 20 год, стаўлю перад сабой мэты абараняць правы і інтарэсы жыхароў акругі. Ужо шмат гадоў аказваю комплексную дапамогу грамадзянам ў цяжкіх жыццёвых сітуацыях, надаю ўвагу выхаванцам дзіцячых дамоў і псіханеўралагічных інтэрнатаў. Год таму сваімі сіламі дапамог з заменай 30 энергаемкіх вокнаў з ПВХ у Цэнтры карэкцыйна-развівальнага навучання і рэабілітацыі для дзяцей з асаблівасцямі псіхафізічнага развіцця.

З’яўляюся арганізатарам экалагічных акцый па ўборцы тэррыторыі Лукавай гары. Актыўна займаюся пытаннямі гісторыі Беларусі, папулярызацыяй яе каштоўнасцяў як у самой краіне, так і за мяжой. Першым ў беларускай гісторыі адкрыў бронзавы помнік беларускаму герою Тадэвушу Касцюшку. У 2017 годзе за дзейнасць атрымаў Ганаровую грамату ад міністра замежных спраў Рэспублікі Беларусь і два Ганаровыя медалі ад кракаўскага і варшаўскага фондаў імя Тадэвуша Касцюшкі.

У якасці дэпутата планую надаць увагу:

— павелічэнню колькасці дзіцячых садкоў;

— павелічэнню якасці сацыяльных паслуг;

— замене старых дзіцячых пляцовак на новыя;

— павелічэнню зялёных зон раёна;

— рамонту дваравых дарог і пытанню парковачных месцаў.

Мяне ведаюць як чалавека адказнага, надзейнага, неабыякавага да праблем людзей у бядзе. Мне ўласцівыя такія якасці, як вытрымка, камунікабельнасць, ураўнаважанасць, устойлівасць. Уважліва стаўлюся да меркавання іншых і гнуткі да кампрамісаў і пераменаў.

Мае перавагі — ў тым, што я не з’яўляюся структурнай адзінкай існуючай сістэмы ў адрозненні ад кандыдатаў, якія сумяшчаюць кіраванне, выкананне і кантроль, таму дазваляюць сабе пакідаць звароты без увагі. Я выключаны з катэгорыі тых людзей, якія трымаюцца мясцовай ідэалогіі і робяць усё дзеля камфорту чыноўнікаў. Я не падпарадкоўваюся ніякаму праўладнаму органу, мяне не прымусяць абараняць зручнасць існуючай бюракратычнай сістэмы.

Вывучаўся і працаваў сацыяльным педагогам у Еўропе, ёсць досвед працы з людзьмі розных груп сацыяльнай рызыкі. Сам жанаты, з’яўляюся бацькам чатырох дзяцей і ведаю патрэбы шматдзетных сем’яў. З працы ў еўрапейскіх краінах ведаю, як уладкаваныя дзяржаўныя сістэмы з цэнтрацыяй на чалавеку: сістэмы, дзе ёсць павага да асобы і ў якіх прадугледжана падтрымка для ўсіх, хто трапляе ў цяжкае становішча.

Свой досвед у сферы сацыяльнай дзейнасці змагу прымяніць для арганізацыі дапамогі грамадзянам. Калі пры вашай падтрымцы, паважаныя выбаршчыкі, я стану дэпутатам, то разам мы зможам знаходзіць найлепшыя варыянты вырашэння праблемных пытанняў нашай акругі.

З павагай, кандыдат у дэпутаты Аляксандр САПЕГА
* На правах рэкламы

Комментарии

Для добавления комментария, пожалуйста войдите, либо зарегистрируйтесь.

Комментарии  

tatiana
-1 # tatiana 17.02.2018 11:08
Пришло время -- давать дорогу молодым!
Сообщить модератору

Лента комментариев

Бобруйск в объективе

Время спорта

Варианты оплаты за услуги