Дарагія браты і сёстры ў Хрысце, а таксама ўсе людзі добрай волі! Падзякуем Пану Богу за тое, што падараваў нам яшчэ адзін год жыцця, і мы можам з годнасцю ўшаноноўваць светлую хрысціянскую радасць — зноў прывітаць нованароджанага Дзіцятка Езуса, а разам з Ім — і зноў здабыць надзею на новае жыццё. Так, мы не можам жыць толькі ўчарашнімі поспехамі, мінулагоднімі малітвамі і забаўляльнымі гісторыямі, якія чулі ў дзяцінстве. Кожны дзень мы стаім перад новым выбарам, і рабіць гэты выбар змушае жыццё. Як сказаў адзін мудры чалавек: «Галоўная праблема хрысціянскага жыцця ў тым, што яно павінна быць хрысціянскім кожны дзень». Вось і сёння мы павінны сказаць сабе, што новы год жыцця, які прыходзіць да нас з Дзіцяткам Езусам, павінен быць пражыты па Божых запаведзях і на славу Яго з нараджэннем Хрыстовым.
Ксёндз Андрэй ЯРКАВЕЦ, пробашч Парафіі Беззаганнага Зачацця Найсвяцейшай Панны Марыi ў Бабруйску
Расклад святочных набажэнстваў:
24 снежня: 21.00 — батлейка ў выкананні дзетак парафіі; 22.00 — святая імша Пастэрка.
25 снежня: 9.00, 11.00 — святыя імшы.
26 снежня: 9.00, 18.00 — святыя імшы.
27 снежня: 18.00 — святая імша.
28 снежня — нядзеля Святой Сям’і, 9.00, 11.00, 17.00 — святыя імшы.
Фота Віктара ШЭЙКІНА
