Дарагія браты і сёстры ў Хрысце!

Бог прыходзіць у гэты свет!

Ён нарадзіўся ў беднай сялянскай стайні. Было студзёна. Але найбольшая сцюжа сыходзіла ад людскіх сэрцаў, што не захацелі прыняць Яго ў цёплы дом. Калі б не добрыя, гарачыя сэрцы Найсвяцейшай Маці і святога Юзафа…

Як жа гэта важна, каб знайшлося хаця б адно спагаднае сэрца! А потым абавязкова адкрыюцца вочы і сэрцы яшчэ ў кагосці, і яшчэ, і яшчэ… Езус заклікае нас: будзьце пільныя, не замыкайце сваіх сэрцаў, узірайцеся ў неба, каб не праспаць зоркі, якая прывядзе вас на самую важную сустрэчу!

У кожнага дзіцяткі ёсць тыя, хто яго нарадзіў. Менавіта на гэтым трэба зрабіць акцэнт сёння, калі нашыя сэрцы прагнуць дачыніцца да вялікай радасці сустрэчы з Нованароджаным Немаўляткам Езусам, нашым Збаўцай; калі зноў запальваюцца калядныя елкі, гучаць радасныя спевы, рыхтуюцца падарункі. Маленькае Дзіцятка ў Батлеемскай стайні падкрэслівае вечную каштоўнасць і святасць кожнай сям’і — той самай чалавечай калыскі, з якой бяруць пачатак ўсе шляхі свету. І калі апоўначы ўкленчым перад святочнымі яселькамі, давайце даверым Пану Богу ўсё, што сёння перажываем мы і нашыя родныя людзі. Бо дзе ж, як не ў сям’і, нас зразумеюць і дапамогуць зберагчы ў нашых душах трапяткі агенчык Божай любові? Няхай же і наша бацькаўшчына — Беларусь — стане краiнай сапраўднага праслаўлення Бога праз захоўванне Яго закону i жыцця згодна з маральнымi нормамi. Няхай у ёй запануе Божы спакой, узаемная згода i паразуменне!

Няхай моцная вера, трывалая надзея і непагасная любоў паселяцца ў нашых сэрцах і ў кожным доме, як некалі гэта здарылася ў сціплай Батлеемская стайні!

Радасных, шчаслiвых святаў, поўных Божай ласкi i прысутнасцi Хрыста, i шчаслiвага надыходзячага Новага года!

Ад усяго сэрца, пробашч касцёла Беззаганнага Зачацця Найсвяцейшай Панны Марыі ў Бабруйску ксёндз канонік Андрэй ЯРКАВЕЦ

* * * * * * * * * * * * * * * * * * * * * * * * * * * * *

Расклад святочных імшаў на Божае Нараджэнне ў Бабруйску

24 снежня, чацвер, — 22.00 — Вігілія Нараджэння Пана

25 снежня, пятніца, — 11.00 — Урачыстасць Нараджэння Пана

Святочны канцэрт з удзелам дзяцей з нагоды Нараджэння Пана

25 снежня, пятніца, — 14.00



Присоединяйтесь к нам в социальных сетях:




Недостаточно прав для комментирования.
Для добавления комментария, пожалуйста войдите/зарегистрируйтесь , и подтвердите свою личность, обратившись в редакцию.

Комментарии  

Красная Шапочка
0 # Красная Шапочка 24.12.2020 17:13
Какие проникновенные слова! Большое спасибо!!!
Желаю всем здоровья и счастья!
Сообщить модератору

Лента комментариев

Веб-камеры Бобруйска

Бобруйск в объективе

Варианты оплаты за услуги